ວັດທາດ: ຮາວທຽນ (ຮູບ 1920)

      ທີ່ຫຼວງພະບາງ, ຢູ່ຕາມວັດຕ່າງໆ ເພິ່ນຈະພົບເຫັນຮາວທຽນ ຕັ້ງຢູ່ຕໍ່ຫນ້າແທ່ນບູຊາພະພຸດທະຮູບຢູ່ສະເຫມີ.ຮາວທຽນທີ່ພົບເຫັນຫຼາຍທີ່ສຸດ ແມ່ນຮາວທຽນປະເພດ ທີ່ເຮັດດ້ວຍເຫຼັກໃຫຍ່ ກົ່ງໂຄ້ງເປັນຮູບຄັນສອນ ແລ້ວງໍຂຶ້ນທັງສອງສົ້ນເປັນຮູບ ຄ້າຍຄືກັບນາກສອງຫົວ. ເຖິງຢ່າງໃດກໍດີ, ຮາວທຽນທີ່ງົດງາມທີ່ສຸດ ນັ້ນແມ່ນຮາວທຽນທີ່ ສ້າງຂຶ້ນໃນສະຕະວັດທີ XIX. ລັກສະນະຂອງຮາວທຽນແບບນີ້ ເປັນແຜ່ນກະດານໄມ້ຄວັດ ເປັນລວດລາຍ ທີ່ສະແດງເຖິງສັນຍາລັກ ຈັກຂອງຈັກກະວານ, ສ່ວນເທິງຂອງ ຮູບເປັນຕົນໂຕຂອງນາກ ແລະ ມັງກອນສອງໂຕ, ສ່ວນວ່າຮາວທຽນ ທີ່ມີຮູບຄັວດ ເປັນຮູບບົດນິທານ ພະລັກ ພະລາມ ນັ້ນແມ່ນຮາວທຽນ ປະເພດທີ່ຫາກໍ່ສ້າງຂຶ້ນຫວ່າງ ໃຫມ່ໆມານີ້.